أصناف من الحلوي الشرقية

لو انتي مالكيش في المطبخ خالص...أنا بهديكي الوصفات دي من الحلويات الشرقية...لو أتقنتي طريقتهم و عملتيها خطوة خطوة هتبقي طباخة ماهرة و كدة أبقي متطمنة عليكي

البسبوسة بالقشطة
المقادير:-
1 كوب سميد
3/4 كوب حليب بودرة
3/4 كوب زيت
1/2 كوب سكر ناعم (أنا استخدمت سكر مطحون)
1/2 ملعقة صغيرة فانيلا
1 ملعقة كبيرة باكينغ باودر
2 علبة قشطة نستله
2 علبة قيمر للحشو ( أنا استخدمت علبة وحدة لأني حسيت إنها كفاية و أعتقد 2 كثييرة)
لوز مبشور للزينة
1 كوب شيرة ( قطر ) أو حسب الرغبة

الطريقة:-
نخلط النواشف مع بعض وبعدين نحط القشطة والزيت
ونخلطهم مضبووووووط
نصب نص المقدارفي صينية متوسطة مدهونة بالزيت
ونضع القيمر بكل هدوء ونوزعها جيدا على الطبقة الاولى
نضيف نص بيالة ماء الى خلطة السميد المتبقية حتى يسهل توزيعها فوق القشطة
لانها أكيد جمدت لما تركناها ، نحرك مضبوط ونصبها فوق القيمر بكل خفة حتى تغطيها تماما (أنا كنت أمسح ظهر الملعقة بشوية زيت لتسهيل عملية الفرد و توزيع الخليط )
نرش اللوز على الوجه
ونخبزها فورا في فرن متوسط الحرارة حتى تنضج
أول ما تطلع من الفرن نصب عليها القطر ونتركها حتى يتشرب مظبوووووووط
تقطع
والأفضل تقدم دافئة

كنافة بالكريمة
المقادير
نصف كيلو كنافة شعر - نصف كوب سكر بودرة - كوب سمن
مقادير الكريمة
نصف كيلو لبن - ربع كوب كورن فلاور - نصف كوب ماء
مقادير الشربات : طبعا كلم عارفيناها ولا اقولها
4 كوب سكر - 2 كوب ماء -
ليمونة

الطريقة
على نار هادية وفى حلة كبيرة نقطع الكنافة قطع صغيرة ويستحسن نقصها بمقص للمطبخ ونحط عليها السمن وهو سخن بس بالتدريج ونقلب

- فى صينية فرن نحط نصف مقدار الكنافة ونضغط عليها جيدا ونسيبها شوية

- فى حلة تانية حنحط اللبن وندوب فيه الكورن فلاور ونحطهم على نار هادية ونقلبهم جيدا ونسيبهم لغاية لما يبردوا جيدا

- حنحط خليط اللبن والكورن فلاور على الكنافة اللى فى الصينية وبعدين نحط بقية الكنافة وندخلها فرن مش حامية قوى لغاية لما تستوى حتاخد حوال نصف ساعة فى الفرن

نكون محضرين الشربات ونحطه على الكنافة لما تستوى ونجملها باى فاكهة عندك اولادك بيحبوها وبالهنا والشفا

كنافة بلورية
½ كيلو كنافة – 150 ج سمنة – 250 ج فستق – 150 ج شيرة (قطر – عسل) تقيل
الطريقة
نضع السمن السايح على الكنافة المفرومة (او المقطعه)
ثم افرد طبقة كنافة خفيفة جدا جدا فى الصينية واكبسها كويس قوى
اضع يا دوب معلقة شيرة على الفستق واخلطه كويس علشان يتماسك
ثم اضع الفستق فى الصينية على الكنافة واضغط علية بطبق كويس قوى قوى علشان يتكبس كويس
واضع عليها شوية شيرة بسيطة
ثم اضع طبقة تانية خفيفة جدا جدا من الكنافة واكبسها كويس
ادخل الصينية الفرن حوالى نص ساعه على درجة 190 درجة
وبعد ماتطلع من الفرن نسقيها بطبقة خفيفة من الشيرة واقلبها
واقطعها قطع صغيرة مستطيلة

بقلاوة بالكريمة
: مقدار جلاش مقدار سمن مقدار شربات مقدار كريم شانتيه

التحضير: 1

-افردي الجلاش ف صينية مدورة وحطي بين
كل 3 او 4 طبقات سمن بفرشاة الحلويات

2-لغاية ماتكملي حوالي 20 طبقة وعلي الوش حطي فرشاة سمنة

3- ثم تقطع مثلثات كبيرة مثل البيتزا

تدخل فرن ساخن متوسط الحرارة لمدة 20 دقيقة
ثم عندما تخرج تسقي بالشربات
وتزين بالكريمة شانتيه

رواني
5 بيضات
3/4 كوب دقيق أبيض
3/4 كوب دقيق سيمولينا
3/4 كوب سكر
1/2 ملعقة صغيرة فانيليا

الرواني مابيتحطلهاش بيكنج powder

الطريقة
في وعاء نضيف وجاف اخلطي البيض مع السكر والفانيليا واضربيهم بالمضرب أو العجان اللي عندك
على السرعة الهادية
لحد مايكون معاكي كريمة

بعد كده اخلطي الدقيق مع السيمولينا

ضيفي الدقيق والسيمولينا للبيض واضربيهم مع بعض بالراحة بملعقة خشبية
لفتين تلاتة لحد مايلف كله مع بعضه
أو اديله لفة في العجان على السرعة الهادية لحد مايدوب
بس ماتقلبيهوش كتير

بعد كده هاتي الصينية اللي هتصبي فيها الخليط
ادهنيها زبدة
ودقيق سيمولينا
مش دقيق أبيض
بقول كمان مرة سيمولينا
بعد كده صبي الخليط في الصينية

سيبيها في الفرن لمدة 25 دقيقة
على ماتستوي في الفرن نجهز احنا الشربات والذواق
الشربات
2 كوب سكر
2 كوب ماء
دوبي السكر في الميه
حطيه على النار

سيبيه يغلي بعد كده ضيفي له عصير نصف ليمونة
ورشة فانيليا
سيبيه يغلي شوية
بعد كده اطفي عليه
وخللى بالك الشربات بيتحط سخن على الرواني وهي سخنة


جهزي الشربات وجوز الهند ومربى المشمش للذواق


بعد كده لما الرواني استوت طلعتها من الفرن


بعد كده سقيتها بالشربات السخن


بعد كده ذوقيها بالطريقة اللي تعجبك أهم حاجة في الرواني الشربات وجوز الهند

بلح الشام
المقادير:

1/2 كيلو دقيق 1/2 لتر ماء كوب زيت 1/2 ملعقة صغيرة ملح 1/2 ملعقة صغيرة سكر 1/2 ملعقة صغيرة فانليا مقدار زيت للتحمير مقدار شراب ثقيل جدا عدد 6 بيض

التحضير:

نضع الماء والزيت والملح والسكر على النار
بعد الغليان نضع الدقيق مره واحده
نمزج الخليط جيدا لمده حوالى نصف ساعه
نرفعه من على النار بعد ان اصبح مثل الكوره ولا يلتسق بالكزرولا

نضع العجينه فى العجان ونشغله الى ان تهدا العجينه

نضع البيض واحده واحده مع الضرب المستمر
ونضع الفانليا مع البيض

اذا لاحظنا ان العجينه نشفه نوعا نضع بيضه ذياده

الطبخ: نضع العجينه بكيس به بلبله

نقطع الجينه فى زيت بااااااااااااااااااااارد

نتركها تتحمر مع مراعاه التقليب عند اللزوم لكى تحمر من الوجهين

بعد ما يكون لونها ذهبيا نضعها فى شراب سميك ملاحظات: زيت قلى بلح الشام لازم يكون باااااااااارد

اذا تحبوا بلح الشام طرى ممكن نحمره فى زيت ساخن

ممكن نحشو بلح الشام بحشوات مختلفه مثل

الشيكولا والكريم شانتى والكريمه الكسترد

عزيزة
المقادير:

ربع ك مكرونه اسباجتي & 4ملاعق كبيره نشا & سكر للتحليه المرغوبه نصف ك لبن حليب & فانيليا & زبيب& قشطه للوجه
الطريقه:
تسلق المكرونه لغايه ما توصل للنضج لو المياه كثيره نسكب جزء منها ثم نضيف اليها اللبن والسكرمع الماء التي تم سلق المكرونه لان حيكون فيه نشا المكرونه بعد الغليان نكون مجهزين النشا دايب في جزء من البن ثم يضاف الي الخليط اللي سبق تحضيره علي النار ونقلب علي نار هادئه حين يتماسك ويغلظ قوامه نضيف الفانيليا والزبيب ونكون محضرين صينيه وسط مدهونه زبده ونضع بيها الخليط وفوقها القشطه نرش علي القشطه سكر عشان تعطي لون حلو وتوضع الصينيه بالفرن متوسط الحراره حين تحمر وتقطع بارده وتقدم ايضا بارده


أم علي بالقشطة و المكسرات
المقادير:
-عبوة من الرقاق المصرى التقليدى.
-1/2 كوب سمن طبيعى.
-2 فص مستكة مطحون.
-1/2 كيلو قشدة طبيعية.
-لتر حليب محلى بالسكر وقليل من القرفة.
-مكسرات محمصة.

الطريقة:
-تطحن المستكة وتضاف إلى السمن.
يقسم الرقاق إلى أربع قطع وتحمر فى السمن الساخن حتى تصير ذهبية اللون.
-يرص نصف مقدار الرقاق المحمر فى صينية فرن وتفرد عليها 3/4 كمية القشدة والمكسرات.
-توضع باقى كمية الرقاق المحمر وتسقى بالحليب المحلى ويضاف إلى سطحها باقى كمية القشدة والمكسرات.
-تزج فى فرن متوسط الحرارة لمدة 3/4 ساعة وتقدم دافئة.

Extracted